Baserritarron Laguna saria jaso du Orona Fundazioak
Elikadura osasungarria, iraunkorra eta tokikoa, bere jasangarritasun-estrategiaren erdigunean jartzeko egindako ahaleginaren aintzatespena da
30 Urt 2022
ENBA nekazaritza-erakundeak Baserritarron Laguna saria eman dio Orona Fundazioari, bere langileen artean elikadura jasangarria, osasungarria eta tokikoa zabaltzeko ahalegina aitortzeko, hainbat ekimenen bidez, hala nola, Diametro 200 jantoki-zerbitzua edo hurbileko produktuak eskaintzen dituzten barazki-saskien zerbitzua.
Oraingo honetan, nekazaritza-erakundeak enpresa batek jasangarritasuna bultzatzeko izan dezakeen garrantzia nabarmendu nahi izan du, jasangarritasuna eta lehiakortasuna bateragarriak direla azpimarratuz. Orona Fundazioa "enpresa-mundutik eta jangela-catering-zerbitzuaren bidez, lehen sektorearen eta ingurune natural hurbilenaren alde egin daitekeen ekarpenaren adibide bikaina da".
