VIBROMAQ
Portaera bibroakustiko aurreratua duen eta akatsak ekiditen dituen makina elektrikoa
Igogailuen instalazioetan, motor elektrikoa elementu garrantzitsuenetakoa da, garrantzitsuena ez bada, mugimendua eragiten duen elementua baita. Elementurik garestiena izateaz aparte, bibrazio gehien eragiten dituena ere bada. Geroz eta lehiakorragoa den merkatu batean, diseinuak egundoko garrantzia du: portaera bibroakustiko aurreratu bat izatea eta etengabeko errendimendua bermatzea ezinbestekoa da.
Zarata eta bibrazioak, Call Center-era hots egitearen hirugarren arrazoi nagusiak dira, eta kasuen %55ean makina elektrikoa da horren iturri nagusia. Batetik, estatorean sortutako dardarak etxe bizitzak pairatu ditzake egitura-zarata deritzona kausatuz eta bizilagunak kaltetuz. Bestetik, motorraren indar pareak esekidura-kableei eragiten die kabinaren mugimendu bertikalean oszilazioak sortuz.
VIBROMAQ proiektuak portaera bibroakustiko aurreratua duten makina elektrikoak garatzea du helburu, kabinaren eta etxebizitza osorako erosotasun hobeagoa lortuz eta energia-kontsumoa murriztuz.
